Leikföng áttunda áratugarins

Leikfangaiðnaðurinn breyttist mikið á þessum áratugi, af ýmsum ástæðum.  Ein var að sífellt fleiri mæður unnu úti í staðinn fyrir að sinna börnum sínum á daginn eins og tíðkast hafði á fyrri áratugum. Önnur var að mikið var um byltingar femínista, þar sem þeir mótmæltu leikföngum sem innihéldu boðskap um hlutverk kynjanna. Leikföng fyrir stúlkur voru dúkkur, ýmsir ofnar og önnur eldhúsáhöld, en bílar, hermenn og aðrir stríðsmenn voru ætlaðir fyrir stráka.

Á meðan Víetnamstríðið stóð yfir varð G.I. Joe að ævintýrafígúru sem leitaði uppi fjársjóði og því um líkt. Árið 1975, þegar stríðið var yfirstaðið, varð hann aftur að hermanni, en þó ekki eins og áður. Hann var ekki bein tenging við raunveruleikann og hugmyndina um stríð.


Fyrsti tölvuleikurinn, Atari VC S 2600, leit dagsins ljós. Sala á honum var þó  lítil svo framleiðslufyrirtækið Atari hætti sölu á honum. Spilið UNO sem fundið var upp af eiganda rakarastofu árið 1971 kom fyrst á markað á 8. áratugnum. Það varð vinsælt samstundis og er enn selt í dag.
Árið 1974 hóf ungverski lektorinn Erno Rubik framleiðslu á hinum svokallaða ,,Cube“. Hann hannaði teninginn til að sýna að hægt væri breyta einföldustu hlutum yfir í ýmis form. 1979 heimsótti amerískt leikfangafyrirtæki Rubik, en úr þeirri heimsókn kom pöntun sem hljóðaði upp á 1 milljón. Nafninu var þá breytt í ,,Rubik‘s Cube“ og leikfangið varð vinsælt um allan heim.


Árið 1977 kom fyrsta Star Wars myndin út. Leikfangafyrirtækið Kenner Toys hafði fengið einkarétt til að framleiða fígúrur eftir persónum kvikmyndarinnar. Fígúrurnar seldust eins og heitar lummur þar sem hægt var að fá pakka með fjórum aðalpersónum sögunnar; Luke Skywalker, Princess Leia, R2-D2 og Chewbacca.
Mest seldu leikföng áratugarins voru Lego kubbarnir, sem höfðu þó verið til sölu frá árinu 1932, Dungeons and Dragons borðspilið og fígúrur úr ýmsum kvikmyndum.